Bemor ma’lumoti qat’iy himoyada
Tibbiy sir, shaxsiy hayot daxlsizligi va klinik mas’uliyat - Tabib.today arxitekturasining bosh poydevoridir.
Har bir qabulda qat’iy rozilik
Bemor roziligisiz hech qanday audioyozuv amalga oshirilmaydi. Tablet.today ilovasi foydalanuvchilari shifokor QR kodini skanerlab ilovada rozilik beradi. Ilovasi yo‘q bemorlarning og‘zaki roziligi audioyozuv boshida aniq qayd etiladi.
AES-256 va TLS 1.3 shifrlash
Barcha audio ma’lumotlar, transkriptlar va tibbiy qoralamalar uzatish vaqtida (in-transit) va serverda saqlanishda (at-rest) harbiy darajadagi 256-bitli shifrlash bilan himoyalangan. Kalitlar xavfsiz apparat modullarida saqlanadi.
72 soatlik o‘chirish qoidasi (Ephemeral Storage)
Qabul yakunlangach, agar shifokor 72 soat ichida qoralamani tasdiqlamasa yoki uni rad etsa, tizim barcha dastlabki audioyozuvlarni, transkriptlarni va qoralamani serverdan butunlay o‘chirib yuboradi.
O‘zgarmas audit jurnali
Har bir ma’lumotni ochish, ko‘rish, tahrirlash va tasdiqlash harakati o‘zgartirib bo‘lmaydigan audit jurnalida shifokor ID’si va vaqt tamg‘asi bilan muhrlanadi.
AI mustaqil qaror qilmaydi
Tabib.today klinik tashxis qo‘ymaydi, davolash tavsiya etmaydi va shifokor o‘rnini bosmaydi. Tashxis faqat shifokor aytgan bo‘lsa yoziladi; yakuniy hujjatni faqat litsenziyali shifokor tasdiqlaydi.
Bir zumda kirishni bekor qilish
Bemor istalgan paytda Tablet.today ilovasida shifokor bilan bog‘lanishni bitta tugma bilan uzishi mumkin. Bog‘lanish uzilishi bilan shifokorning bemor profiliga kirishi darhol yopiladi.
Klinik va huquqiy kafolat
Tabib.today shifokorning qonuniy maqomini e’tirof etadi va faqat litsenziyaga ega bo‘lgan amaliyotchi shifokorlar uchun xizmat qiladi.